SUKU YA WUSAGHUI NDEDILOMBE

 

Olenyi Okenyi misanu yasia

Yasia isanu sa mbeo

Mbeo ikabaa yemimisa

 

Okenyi Olenyi yamimisa

Yamimisa kifumbu na kuja

Kuja kusene kutua

 

Olenyi Okenyi msewuye ngojilele

Ngojilele yesighie wana nyuma

Msewisighe kwa lwafuo

 

Okenyi o’lekenyi wangwa mashanda

Mashanda wa lumbo lwa mdawida

Lekenyi wunjwa mashanda kule

 

Olenyi Okenyi ibambenyi dawewuya

Dawuya wusaghuinyi ni lawu

Lawu na kenyi ni wusaghui

 

Okenyi Olenyi namdambia

Namdambia nimumanyishe

Ibamba ni ja chovu dime i

 

Ola Okenyi idime dikabe ibamba

Ibamba jewinga chovu

Chovu risenone vindo

 

Okenyi Olenyi nalomba

Nalomba Nimanyishenyi

Wusaghui ghudikire dimeii

 

Olenyi Okenyi ndediaghe

Diaghenyi diseshoghonuane

Dilombe suku yawusaghui

 

© _mfu wa HM – Mwamachi wa Mghanga_ 2021

 

more recommended stories