KURA YANGU

Kura Hii Ni Ya Kwangu, Hata Raisi Ajuwa.
Nafichua Siri Yangu, Debeni Nikichaguwa.
Ni Haki Uhuru Wangu, Mwenyewe Nitaamuwa
SIITUPI KURA YANGU, KUMPIGIA MSHAPA

Ni Kiburi Hana Utu, Kweli Tumeshatambuwa.
Atumia Nguvu Zetu, Ayatakayo Yakawa.
Akipata Si Mwenzetu,Mbali Anatubaguwa.
SIITUPI KURA YANGU, KUMPIGIA MSHAPA

Yani Kakosa Huruma, Aweza Hata Kuuwa.
Anajua Kulalama, Mapesa Kuongezewa.
Wagonjwa Wanatetema, Wadini Bila Madawa
SIITUPI KURA YANGU, KUMPIGIA MSHAPA

Wataita Hatujali, Toka Kiti Lipopewa
Ahadi Mezibatili, Miradi Yote Ni Hewa
Ndipo Potelea Mbali, Madaraka Namvuwa
SIITUPI KURA YANGU,KUMPIGIA MSHAPA

Awe Ni Baba Mzazi, Bado Hatonizuzuwa.
Kumpigia Siwezi, Hadharani Napasuwa.
Kwanza Haiwezi Kazi, Chekini Amelemewa
SIITUPI KURA YANGU,KUMPIGIA MSHAPA

Nasema Simpi Kura, Hilo Nishaliamuwa.
Ambae Litamkera, Aje Nitampa Shuwa.
Namkabidhi Bendera, Mjuzi Anayejuwa.
SIITUPI KURA YANGU, KUMPIGIA MSHAPA

Wakati Wa Kampeni, Kwanini Wajisumbuwa
Kuja Hadi Vijijini, Vimia Ukavigawa.
Hata Haya Hauoni, Jamuhuri Ninatuwa
SIITUPI KURA YANGU, KUMPIGIA MSHAPA

Mtunzi;
MALENGA WA TAVETA
SULTANI JAMUHURI
©2022

more recommended stories