Siko dapata mwalimu mbishi, wakiwaka udeka wafuma direct from College. Mwalimu wawhandu udeka udongolokia sa nicha woruwu hata walimu wakiwomi na Boys irija rekoo rabara bezi rideka rikiendwa ni bagha naiseghe iji wamwhona.
Udeka ukikufuria marashi ghinukie nicha, na iridia jisongelo kwa whuya ghwa ighu kuchumba. Dedemwhanga ‘Argentina’ angu udekutamba tie na kughora wei niko ufumue. Ela dikamchuya mnyaro na dikachamanya kila ni mwalimu wa anyanyaa momu na mbua, kwawo ni area ra wesu, Iyale Primary, ija skuli iko changalamdo, kidasi cha mbeo. Ituku jimu “roof” ya iyo skulu yedukiloghe ni kikulughudu ikaenda motolwa mbuwenyi ghadi ngongidinyi koighu.
Ghadi na ghadi kufuma Wesu kuenda iyo Iyale Primary vua ikanya barabara yedaenda na machi na waisanga waenda itangala na magunia waghichura ndoe.
Udeka ukidifundisha kizungu diko klasi cha kasanu. Okoghe wacha na mware ghofundisha kabisa hata ukakunda di ‘act play’ ya chuo chedu cha kizungu, ija stori ya Mr Karanja odemieghe mudi ghwake na ghukandaguya nyumba ya Mr Njuguna na ukaenjwa kotinyi.
Ini nideka nasaghulwa niwhadie nafwasi ya Prosecutor. Sigha diwoke ku kramu iyo play. Dideka danekwa wiki mlazi dikaie dangira play yose mudu.
Ituku jendavika siko dapanga desk redu klasinyi imbiri nadikawoka play.
Mghanga Kilei nuo okoghe uzoe, na ukazoya sa nicha na unekerie Mwambela Mdemi.
Mghanga (as the Magistrate ): Is your name Mr Njuguna
Mwambela (as Mr Njuguna ): Yes
Mghanga : Will you tell the court what you were complaining about?
Mwambela: It’s my beighbour Mr Karanja who fell his tree…
Mwachere : …….. ( nikabakia nikiwesera Mwambela umerie )
Mwambela uendavika aho ukawoka kughughumia na kizungu chose chikalaghaya. Lumi lwake lukalemia shuu sa lwadungwa luvia ni choki. Ini nao nakudegha naweseria umeria mizaria yake na niwhwade. Mwambela wakutamba toe ndougheshagha mizaria rake sena seji osinde ukiriraratua kila ngelo hata dikaghesha wameria kuwika play yose chongo. Play ikasiria anyao!
Siko ituku jimu mwalimu wacha na ighesho iwishi jeendaonda Vitabu Library Wundanyi eri dichurie kumanya maza.
READ ALSO: GHA WA WERUGHA GHIKAKULEMA KUSEGHESHE GHA WA MRUGHUA KUGHIRUGHUA
Dideka dawuka na njogholo ya imbiri diwoke kujitayarisha diwoke charo cheenda Wundanyi. Skuli Mnamu na hata Mrughua primary deida na miramira na huwo deka iseghe iseghe. Aeni dendavikia Mwavunyu primary kikosi chakata, wandu karibu ya mirongo iwi huwu na ni kudughuna cha Wundanyi.
Kuvika mghange Dip wandu sasa ni iseghe nitesie sa njiwu ratukirwa ni zagho lwalenyi. Wandu wamu waidia na short cut ya kwa wenu Ngeti nakosi na wamu hewo wandamaria na kwa Headmaster Mr Javan na wa motoka paap waenda fumia Ikanisenyi ja katoliki ja Mghange Dawida.
Kuida kwa Mr Javan okoo mndumu owangwaa, Clavery (not sure), odepanga magho ghake na kuja malagho ghake okeri. Siko ituku jimu damroghua wei, “ kwawuka mana aboo” waah! kila huwo dakua safu na kisambura. Uo mghosi wajokelo ni chunguya na ukawoka kudidokia na lwaka lwa ighu wei, ” na muniwange aboo, ini neka aboo ..? ” …
Sigha didumuke na iseghe sa ng’ondi radumuswa ni koshi. Mndwawandu wadokie mpaka dikafutuka ikanisenyi ja Mghange Dawida.
Ngelo yewuya dikaghalua chia dikaendaidia kwa uja mghosi obaragha mbuwa yake sa kiwacha cheagha na wamichagha ndoe cha mwadenyi. Mndwawandu kela owhwadiroghe ni saka ki? Udekunda mbuwa yake ikaiye ya wurindi saki ideka lughongonyi lwa kimusi. Odeghora wei, ” na wandu wineko vitivo na ini nichenekwa mghondi…”
Waisanga hata na Surukali wikadamzighanaa woruwu ukanona mbuwa yake putu. Loam soil yose ukaikumba noko cha mwadenyi ikaenda na machi putu na ukasighwa na ndoe ra mkundu na vishagha, risene mavalo ghangi. Na kighemu chikashamika hata mndu ukachunuka ndoujiwangwaa sena.
Huwo dikisea aje ikanisenyi kwa social hall Mghange Dawida dawona wambedu wamu dikanyeghe, weke Mwakilomba Mwashighadi, Focus Juma, Ranson Mwasi, awaje wekoo wikurilo ni maghungu kudichumba weka kolughu lughongo lwa mkombezi. Wafunya shati na angu wisene vadu vingi wakokorua lughongo na chwakule ra manu mbwaeri. Na lughongo lwa Mkombezi loka lwa kimusi hata mndu ukalujoka laghelaghe lwamtika mbua sena uko kimusi.
Difumieghe Mrughua na Miramira Wundanyi dachavika iruwa javika ludedo.
Eh dingiagha Library vitabu vasarwa putu ni wana wa Wundanyi na wa kavui kavui na dasighilwa va kisha kisha.
Dasaghua saghua aho na hoyo daruwuka cha Town. Aja town daenda dalighaligha aja, dikingia madukenyi na kufuma. Andwamu daghokelwa ni vilambo va wandu na dakotia bei, dikaghorelwa bei dazighanana na dafuma mbwaeri. Huwo mifukonyi ngera deka na shilingi ikumi regua robo mkate na chai cha rangi na niyo Lunch ya ijo ituku.
Sena ndededeinjika madukenyi disengirie maduka gha weni Rege, dibengue bengue vilambo vawandu meso na dafuma dikikunyakunya sa boi wanywa mariwa. Aho kwa weni Rege wekoghe wana wa Kishiri widongolokie sa weke doli, ini hata seji wandu wizozagha vilambo nasungia cha nokondenyi niwone awo weke doli wa wadamu. Wideka wielie chwee na maridia ghawo malang’acha ghisongelo mizaria iwi angu ghumweri na ghikalekerwa cha mghongo. Ghamotoka ghaenda dangalwa koisi ni didiwi.
Dikameria ziara ya town sena shwawori datumbanyika andu kumeri na dawoka kughalua gimbe cha Mrughua na vuo vedu viwi viwi. Kela ivo vuo vishomwagha iyo ni ngasu ya mduki na Mlungu wake.
Dachavika Mrughua na Lusimisi.
To be Continued …!!!
#MemoriesAreMadeOfThis
#WadawidaWoseIsangenyiKWAELA
#KwaelaDotCom

more recommended stories
TAITA TAVETA: KSh 9.86 MILLION IN SALARIES, TWO ALLEGED FORGED DEGREES — WHO VERIFIED THE QUALIFICATIONS?KNN INVESTIGATIVE EDITORIAL | PUBLIC.
GODOMA FINALLY GETS ITS TITLE DEEDS — A RIGHT LONG OVERDUEThe issuance of title deeds.
CHURU CHURU PROJECTS VS REAL DEVELOPMENTWhy Taita Taveta Must Stop.
CORRUPTION: THE SILENT TAX CRUSHING ORDINARY KENYANSA Nation Paying Twice for.
SUMMARY OF THE TAITA TAVETA COUNTY FY 2026 / 2027 BUDGET ESTIMATESThe County Government of Taita Taveta.
WHOEVER FEEDS YOU CONTROLS YOU: SANKARA’S WARNING AFRICA REFUSES TO HEAR“He who feeds you, controls you.”.
Universality and the Rise of a New African Political Consciousness: How Kenyan Gen Z is Reshaping African PoliticsAcross Africa, the concept of universality.
PARIS ON OUR PAIN: TAITA TAVETA MCAs STILL FEEDING WHILE THE COUNTY BLEEDSThey say the more things.
DRAIN THE SWAMP OR GO HOME: TAITA TAVETA DEMANDS ACCOUNTABILITYWhen Governor Andrew Mwadime—popularly known as.
Beyond Personalities: What Taita-Taveta Must Demand in 2027By Pastor Cassian Ngotho Mwachanya Taita-Taveta.
Mzima Phase II: A Promise Delayed, A Region ThirstyFor more than six decades, millions.
THE ACCOUNTABLE AND THE ACCUSED: MWAMBURI, MAGANGA, AND THE RECKONING AT TAITA TAVETA COUNTY ASSEMBLYBy Pastor Cassian Ngotho Mwachanya The.
HON. DORCAS MLUGHU: THE VOICE THAT REFUSED TO BOWThe court’s decision declaring the impeachment.
THE CLERK AT THE HEART OF COUNTY ASSEMBLY BUSINES: WHY ADMINISTRATIVE RESPONSIBILITY CANNOT BE ESCAPEDThe recent court decision in.
WHY KENYA WILL NOT BECOME THE “SINGAPORE OF AFRICA” ANYTIME SOONFor more than a decade,.
CORRUPTION — THE ENEMY IN THE ROOM: HOW IT IS STRANGLING DEVELOPMENT IN TAITA-TAVETA COUNTY (2025)Taita-Taveta is a county of.

Mkameria kushoma mghore nimredie part 2