FUNDA YA WAWA

By Dorcas Mkamburi

Ngelo ra weke wawa, kishomo ndecherekoghe,

Hata wajhomba wikacha, wikawiwunja wazumba,

Mbuwenyi ra chai, wikasinda na njala,

Funda ya kishomo, yadiinjire wwasi ughu.

Mindinyi wikarighwa, gongolo risewukagha naighu,

Wwasi wikaidia, wikienda wuzumbenyi,

Hata wughoma ndeghuko, sejhi ndewine fwaida?

Funda ya kishomo, yadiinjire wwasi ughu.

Wikawuya wakongo, wughangenyi ndewienjwagha,

Wadabwaghwa na kusighwa, mbisi ripate posho,

Kau ikawibwagha, machi ndewinekwagha,

Funda ya kishomo, yadiinjire wwasi ughu.

 

 

Posho ndewinekwagha, wadataruma sa ighuwa,

Kukudunga machi ndekuko, wele hata mavuda?

M’mbi ghwabarisika, sa kishoo cha mghoma,

Funda ya kishomo, yadiinjire wwasi ughu.

Kira chikasea, wadalala andu wiko,

Wiwesere ndoo itambuke, wichurie kudamba,

Gongolo ndewiinjwagha, woruwo wakakadiana,

Funda ya kishomo, yadiinjire wwasi ughu.

Gongolo iyo yaidie, ela ghamu bado gheko,

Gongolo ya itana’a, ni maza risefwane,

Sa maza reshamisha wai, na relowora wanjighe,

Funda ya kishomo, yadiinjire wwasi ughu.

Wanjighe kuwishamisha, kwawaendelea itanaha,

Msene hata wughoma, kedi ni mizango,

Sighenyi mara iro, dakunde sere na morio,

Funda ya kishomo, yadiinjire wwasi ughu.

©Mkamburi (2017

more recommended stories