Mrughua Dispensary ideka yapata Nurse m’mbishi uwhangwaa Samba kufuma noko cha Wundanyi.
Nurse udongolokie shuu na lwaka lwake lususeri sena usingilo ni ghore.
Okoghe wachanya na kimeria maria cha kwawo chiwangwaa Irene. Irene udeka wachokwa chwee, mrika ghwa weke Ranson Mwasi, Danson Kimori, Maryliz Chao na Ibrahim Mwakilomba, sena okoghe utarikie na uangue.
Mghenyi wake m’baa zaidi udeka ni Restuta Kinyasi, kwa kutarika na kuangua niwo wekoo wa imbiri. Kwa PE widemanyika kwa kudunga vijimi jimi kwa w’uya na hata weke SOMMERSAULT. Yaani miw’i rawo redarighika sa lundi lwa taghasina. Kinyasi nao udeka ushamukilo ni mudu kiloliya, odeka ukuwuya namba wani kuguma klasi cha imbiri mpaka ukameria klasi cha wunyanya.
Aja Wundanyi Samba udeka wamanyana na Mruna mao tiki, Topister Wakeshi – RIP na wikakaiya na Wughenyi ghwa chanda na pete.
Ondacha Mrughua wokoni ukamanyana na mruna mao umu sena, mae Niven Kirigha, na sena woruja bagha rawo rikawhwadana nicha na wikasikirana sa mndu na mruna.
Ichenio ngelo niko na ini nekateghe kuenda aikwa yaani kushamishwa.
Siko skuli rendafungwa dikafuma luma lwa kesho na aba dikaenda Mrughua Dispensary. Huwo ngolo yapo yaenda ikinitikatika sa yekunda Kufunduka. Ngolo yesindatika sio wei ni kwa wowa ghwa makasi na shembe bali pia ija excitement yeida kuwhangwa mwana mtini na niwoke kujiwona nazoghua.
Chenio vacation weko wana walazi wetayarishiroghe ni wavi wawo wiche giriswa ndagha ni mghosi Mwanganga.
Mwanganga odafuma Mwanda na wamotokia na mbaramghondi na wachafumia mrughua. Na ndooidagha mzi ghungi useisire wana shembe. Wana widemmanya hata ujawawoka kubusa mbembe udazerwa uenjwagha kwa Mwanganga na mbembe rachika !
Ini aba udewona unienje Bistali niboiso kitalamu. Nikabo sindano ya wuria na akaja ka mrongo kitakulo na wuya sio sa Mwanganga ughudasuagha sa udasicha nguku marangi.
Angu Nurse Samba okoghe wamanya dichagha, dikakuwa wawika mazwagha ghake gha kazi tayari na shwawori dikangia nokondenyi na shughulu ikawoka!
Nikajoka wulinyi na nikalala kighari na nikadazighanaa seji Nurse umaranyagha na shekele rake ra wighanga ukirisungusa na kuruda wighanga na sindano!
Na seji nikabwagha sindano ra wuria nikadabenguagha meso na hata luziazia lungi lwa mbori lusemotoke. Saki luvia lwa sindano ludeka lubirie sa lwa Ngalavu, nikakaiya namazira ngolo kiwomi.
Shwawori Nurse ukameria maza rake na nikarwa kibande chapo seji nicheghe na nikawoka charo chegala.
Seji aba uroghuanagha na wakongo wazima aja kwa waiting room ini nakiria koimbe.
Nikaenda nikamaria kwa weke Walter Mbosho kuwidaria seji naboiswa na nikawuya mndwawomi wa loli.
Ndewesindeniaminia angu narwa kipande chapo, wesindaweseria winiwone nadiswa leso wa kilusara.
Nikawisigha aho wikishinika sa Mbori walaghaya kinyangenyi, ni kagala rapo ini.
Kesho yaro asubui niko niwonie vileta. Maghocho ghideka ghafuma sa sprinkler yekumba mbogha machi. Aho niko niwokie kuburua mchungu .
Baada ya matuku awi adadu malagho ghikawoka kukaiya sao sao sena. Ituku jimu nikafuma nikaghenda mpaka mwasange kuroghua weke wamae wapo aja Machambi kavui na kwa weke Dancun Malusha wawae. Nendavika kwa mruna mao nekua Nurse Samba wikija ghore rawo na mruna mao. Na Nurse ukaamua unizoze seji nawaendelia. Angu wuwhwanake ghuboie, nemotua kipande chapo shwawori, ukarughurua Bandage na ukawona malagho gheka karakara.
Siko daida cha kwa wawa noko kimonu cha kwa ngoji, wei daenda mroghua ela isuwirio jedu ibaa ni kuenda konja maghuwa angu ghideka ghachua mbuwenyi sa ghisena wandu weja. Ghedeka ghikilindilwa kwa chia ya ighu na nde ghe fuchwagha kisha !
Dikakuwa wawa shighadinyi kwake, dikaroghuana na dikamlomba dingie mbuwenyi difuche maghuwa. Ukajoka lwalenyi lokoghe shighadi na ukadilodia na chala ivija visina difuchiragha, sena dizoe difuche aghaja ghifunyire vileri eri agho ghamu dighisighe ghiendelie kuzoghua.
Dikafucha maghuwa ghedu na dikawuya lwalenyi na dikaghikonja mbwaeri. Dendapata ndighi ra marami siko dawoka kukusasara na mbuwa. Dikaenda mkuonyi ghoisa machi cha mbuwenyi ra walimi wa mbogha noko isi na dikawoka kusarigha na machi gha mkua.
Hata dikaghibara ghisesee noko isi ghingie mbuwenyi kwa wawa. Hata nusu isaa ndejesirieghe dewona bwana M’mbula ukijoka na mkua. Wacha ukizighana machi ghake ghalagharia hao. Angu udeka ubirie shuu dikazerana disemwheserie uvike kavui. Dikadumuka sa njiwu ratukirwa ni hare mbangenyi dikaendakuvisa mvumunyi akosi.
M’mbula owona gimbe rikineng’ena na hata jeghora ukajisowa na ukawunja machi cha mkuonyi na ukawuya cha mbuwenyi kwake.
Isi diko mvumunyu danyama chuku sa Kindo chiko kwaya. Hata mndu ukakunda kukoa angu kutinya wabonya juu chini usesikirike.
Dikakaiya aje mvumunyi mpaka dikasowa jebonya na weke wamae Niven Kirigha wikanikotia naendelea wada na ngoru.
Siko nawoka kuwibonyeria, na nikarughurua Bandage seji nurse ubonyereghe na kela nabonyere wada nikawoka kurucha na kusasaghilwa. Waaah! Niven ukawikiria, “hii basi, huwu jadumbuka! ” Nemotokwa ni mbori ta ta ta sa machi,“wee maoe, nizoghuagha wada bila Ighembe jelemua mbuwa?” Nikalila kituri kituri.
Sena wikawuya wikanihoresha ngolo na dikafuma mbangenyi. Hata aghaja ghedishekerieghe dikaenda kukuvisa dikaghiliwa putu.
Yani Memory yeka mbishi sa ghose agha ghebonyeka icho nakenyi !
To be contunued…!!!
**********
Comment yako nIwesera aisao 🙏
#MemoriesAreMadeOfThis
more recommended stories
TAITA TAVETA: KSh 9.86 MILLION IN SALARIES, TWO ALLEGED FORGED DEGREES — WHO VERIFIED THE QUALIFICATIONS?KNN INVESTIGATIVE EDITORIAL | PUBLIC.
GODOMA FINALLY GETS ITS TITLE DEEDS — A RIGHT LONG OVERDUEThe issuance of title deeds.
CHURU CHURU PROJECTS VS REAL DEVELOPMENTWhy Taita Taveta Must Stop.
CORRUPTION: THE SILENT TAX CRUSHING ORDINARY KENYANSA Nation Paying Twice for.
SUMMARY OF THE TAITA TAVETA COUNTY FY 2026 / 2027 BUDGET ESTIMATESThe County Government of Taita Taveta.
WHOEVER FEEDS YOU CONTROLS YOU: SANKARA’S WARNING AFRICA REFUSES TO HEAR“He who feeds you, controls you.”.
Universality and the Rise of a New African Political Consciousness: How Kenyan Gen Z is Reshaping African PoliticsAcross Africa, the concept of universality.
PARIS ON OUR PAIN: TAITA TAVETA MCAs STILL FEEDING WHILE THE COUNTY BLEEDSThey say the more things.
DRAIN THE SWAMP OR GO HOME: TAITA TAVETA DEMANDS ACCOUNTABILITYWhen Governor Andrew Mwadime—popularly known as.
Beyond Personalities: What Taita-Taveta Must Demand in 2027By Pastor Cassian Ngotho Mwachanya Taita-Taveta.
Mzima Phase II: A Promise Delayed, A Region ThirstyFor more than six decades, millions.
THE ACCOUNTABLE AND THE ACCUSED: MWAMBURI, MAGANGA, AND THE RECKONING AT TAITA TAVETA COUNTY ASSEMBLYBy Pastor Cassian Ngotho Mwachanya The.
HON. DORCAS MLUGHU: THE VOICE THAT REFUSED TO BOWThe court’s decision declaring the impeachment.
THE CLERK AT THE HEART OF COUNTY ASSEMBLY BUSINES: WHY ADMINISTRATIVE RESPONSIBILITY CANNOT BE ESCAPEDThe recent court decision in.
WHY KENYA WILL NOT BECOME THE “SINGAPORE OF AFRICA” ANYTIME SOONFor more than a decade,.
CORRUPTION — THE ENEMY IN THE ROOM: HOW IT IS STRANGLING DEVELOPMENT IN TAITA-TAVETA COUNTY (2025)Taita-Taveta is a county of.

Waah aho nkidawida tiki…to be continued!
Mchurie comments nirede part 2
Kitambo Sana aho,lakini bado kwawekumbuka seji korighitiroghe ni mao.wooow.
Hahaha…
You appear anonymously though…
Wow!! Beautiful!! Hiyo kitaita ni Kali and you have such a good memory. You have actually taken me afew decades back. Congrats
Memories are made if this….
Ihii yanisingia.💪
Iyo barabara yeenda cha dispensari kokoghe na ndiwa nding’ini idepata machi kufuma kwa ndoria na kilemba aho katikati ya iro barabara iwi ija yesea cha Mnamu primary na iyo yeenda dispensary. Wele iyo ndiwa yaduagha angu idecha rimiria na kukalimwa ni wandu?
Huwo lee koichighi fwaida ya ighembe kuko mtini?
Kwaghimumua nicha sana…. Beautiful