Ideka taarifa ya habari ya saa imweri ra kio ikameria kushomwa ni Ngulamu Mwaviro, mdawida tiki kufuma Werugha, ideka wangia Fred Obach Machokaa na kipindi chake cha Sanyo Juu Sanyo Top.
Iji redio yedu iko na magho, kufuma taarifa ya habari yazoya kushomwa mpaka kipindi cha Sanyo juu chisie, dideka danyama kima dikisikiria. Mndu ukatima kudeda ghadi na ghadi wadima kulaswa lui lwa kifirika uendetangalwa ni nganda. Ngelo imu ikabonyeria ndeidimikagha dinyame kima, aba odawusa redio yake na waenda cha nyumba ya mbeo. Iro ngelo angu modo ⚡ (stima) na virerende 📺 (TV) vingi risekoghe, nyumba ra mbeo rideka risukie shu. Sasa aba odaenda nyumba ya mbeo na wakora taya yake ya chemuli na udasikiriagha redio yake na isi dasighwa dikioda modo irikonyi dikizighana seji mswara ghukuruswagha ni mao.
Ichija kipindi cha Sanyo Juu chikasia na aba wacha cha irikonyi na dakumba mswara ghodu nandenyi mbwaeri na kila umweri waenda kughorua bulenyi.
Kila wuja aba odeka wajaza makoto gha kipindi cha Sanyo Juu Sanyo Top na waduma cha Nairobi.
Siko ituku jimu disikiriagha washindi wa kipindi cha Sanyo Juu Sanyo Top, na dikasikira irina ja aba jashomwa, kedi washinda redio ya Sanyo mbishi.
Ichokio delala na ngolo rihorie dikimanya dapata redio mbishi.
Na dikamuka muka kavui ya njumwa ndazi na barua yeendaonda redio yedu ikacha. Aba ukapatwa ni charo chedamba cha Nairobi, uendeonda redio yedu.
Ituku jeendaionda, ukabongolua konikio na njogholo ya imbiri. Ukafunga charo mpaka Nairobi hatabsako usekoo uichinsa nicha. Saki iro ngelo simi ringi ra mkono risekoghe, ela upatireghe chia mpala ukaendalwana na mghenyi wake umunnairobi na ukamwenka mpa ofisi ya KBC ukaonda rodio yake.
Kesho yaro ukabongolilua na njogholo ya imbiri, ukawoka charo chake ukacha na redio yedu.
Redio ya wandu angu ideka mbishi isi ndedekoo na nguma reiadada kisha kisha. Station ikawarilwa basi yekundikia ikaie ni chenio isikirilwagha. Mndu ukaighalua kisha wadima kupatwa ni mwandu ghogwa na kuwuka.
Iyo redio angu idedamgolwangolwa sa ighi, tikaisikiria mpaka dikazoghua. Ideka yashonelwa kitambara chake cheifinikira isengilo ni teri na hata ngelo kwa ngelo yedofurilwa wughanga ghwa nyeche eri mitambo risekedafunwa .
Na kela mndumu ochefumia hao, dizoghue na redio yedu sa nicha, ituku jimu dailiwa shighadi dikaendalisha, dendawuya ndedecheiwoma sena mpaka idime huwu.
Dikachasikira wei yawonelo cha mghange dawida, mzi ghumu kavui na mkombezi. Dikajokwa ni mware dikakunda kwenda izighana na kama loli ni yedu diiwuye nayo, ela mao ukadizera disighane nayo Mlungu udirasimiagha dishame wuzuri na diguo zima ya ndighi zaidi.
Naduagha nikiighesha.
more recommended stories
THE WRONG TIME: GOVERNOR WAKUJAA’S DEFENCEDuring a Senate Public Finance Committee.
-
NA HII EBOLA-FREE CERTIFICATE TUTAPATA LINI?
Share
MANENO NI MENGI, SAFARI NI MOJA! – WANTAMShare
Kenya Isanga NijikundeEeh Mlungu nidimishe, Isanga japo.
KWAELA KWALANGALA Nawuka nakesho kio, kwaela kwalangala..
OKENYI WADAWIDA SIKIRENYI!Wele nga Wadawida mwawonieki! Ichi kimzedu.
MWAZINDIKA CULTURAL DANCE TRIP: PRIDE OR PURE MISPLACED PRIORITIES?Taita Taveta County is once again.
NI TAITA TAVETA KAUNTI PEKEE AMBAKO ZAWADI YA KONDOO INAWEZA KUGEUZWA “KASHFA YA UONGOZI.”By Geoffrey KIMONGE (GK) Kabla.
-
“CHARITY FLOWING IN THE WRONG DIRECTION”: A CASE OF PERFORMATIVE POPULISM IN TAITA TAVETA
Mwatate, Kenya – In a move.
SAMBOJA’S “SMALL ERROR OF AVERAGE” – FROM 80,000 ACRES TO 80 ACRES!By Geoffrey KIMONGE (GK) This.
CAMPAIGN SEASON OR CHARITY SHOW?Mr. Simon Mwachia, who.
MESSAGE FROM MISS COUNTY TAITA TAVETAFollowing the recent concerns on whether.
AMEKONDA KAMA MOJA!Hata Akatiwa Chaja, Hajai Akawa.
FRUSTRATED B CLASSIC DROPS FAREWELL SONGTaita Taveta RnB singer Dennis Manja,.
SINGER SYLVIA SARU REVEALS SHE IS DATINGSylvia Saru, famously known by her.
THE HYPOCRISY IN THE GOSPEL TRUTH SPECIAL FEATUREThe Kenyan media has no moral.

Nice read
Nice one,I enjoy ur write ups.
Hae-hae! ndeo, ndomuche rasimilwa mkagua zima (ya ndighi)?