NA LUCY MKANYIKA
MIZOZO na madai ya ufisadi yameibuka katika mradi wa maji uliozinduliwa na kiongozi wa ODM, Bw Raila Odinga, katika Kaunti ya Taita Taveta wiki iliyopita.
Baadhi ya viongozi wa kijamii na wakazi wametoa wito uchunguzi ufanywe ili kubaini kama serikali ya kaunti hiyo ilitumia vyema pesa zilizonuiwa kutekeleza mradi huo.
Wakati Bw Odinga alipoongoza uzinduzi huo mnamo Ijumaa iliyopita, baadhi yao walieleza wazi kutoridhishwa kwao mbele yake.
Walidai kuwa serikali ya kaunti hiyo ilipeleka malori kujaza maji kwa mapipa katika hila hiyo ilhali mradi wenyewe hausambazi maji kutoka kwa chemchemi ilivyonuiwa.
Hata hivyo, Waziri wa Maji katika Kaunti, Bi Esther Mwanyumba, amepuuza madai kuwa pesa za mradi huo zilifujwa na kwamba malori yalitumiwa kujaza maji ili kumhadaa Bw Odinga kuuzindua.
“Kuna kazi nyingi zilizofanywa hapa na wale wanaodai pesa zilifujwa wanadanganya. Hata mkandarasi alifanya kazi zaidi ya zile alizopewa kwa kandarasi hiyo,” akasema.
Kuhusu malori ya maji yaliyoonekana hapo kabla ya mradi huo kuzinduliwa, alieleza kuwa hayakunuiwa kujaza mapipa hayo ya maji ya lita milioni 2.1 zilizopo.
“Tulitumia wiki sita kujaza maji kwa matangi hayo. Maji yalipitia kwa mabomba kutoka kwa chemchemi na kisimani. Malori yaliyokuwa hapa yalikuwa yanatumiwa kunyunyiza maji barabarani na katika uwanja ambapo hafla ya uzinduzi iliandaliwa,” akaeleza.
Kulingana naye, bomba la maji la urefu wa kilomita 18 litakuwa likipeleka maji kila wakati hadi katika matangi hayo, akahakikishia wakazi wa eneo la Mwaktau kwamba changamoto za uhaba wa maji zimetatuliwa.
Alidai kuwa wakazi waliopiga kelele wakati wa uzinduzi walikuwa wamepelekwa hapo na mahasimu wa kisiasa wa gavana wa kaunti hiyo, Granton Samboja. Bw Samboja na Mbunge wa Mwatate, Bw Andrew Mwadime, wamekuwa wakizozana kuhusu afisi iliyohusika kufanikisha mradi huo wa maji wa Nangoro ambao umegharimu Sh88 milioni.
Mradi huo umenuiwa kusaidia zaidi ya wakazi 17,000 wanaoishi katika vijiji 14 vya maeneo ya Godoma na Mwaktau.
Bw Mwadime alidai gavana huyo anajizolea sifa ilhali ni yeye ndiye aliyetafuta ufadhili kutoka kwa serikali ya kitaifa.
“Hawakutaja hata mchango wangu katika kutafuta ufadhili. Mimi ndiye niliyeshinikiza serikali ya kitaifa isaidie wakazi,” akasema.
Mbunge huyo aliyesimamia eneobunge la Mwatate tangu 2013, analenga kushindania tikiti ya ODM kuwania ugavana, huku Bw Samboja pia akitarajiwa kuhamia ODM kutoka Wiper kuwania wadhifa huo kwa awamu ya pili.
Mbunge huyo aliungana na wale wanaotaka uchunguzi ufanywe kuhusu mradi huo.
“Inavyoonekana, kazi iliyofanywa hapa hailingani na kiasi cha pesa kilichotumiwa,” akadai.
Viongozi wengine walioomba wasitajwe gazetini walisema watafuatilia malalamishi hayo ya wakazi na viongozi wenzao ili wabainishe jinsi fedha zilivyotumiwa.
“Tunataka tusubiri hadi tutakapojibiwa kuhusu haya masuala yaliyoibuka ndipo tutatoa maoni yetu. Kuna mipango ya kuanzisha uchunguzi,” akasema mmoja wao.
Licha ya hayo, baadhi ya wakazi wana matumaini kwamba mradi huo utatatua uhaba wa maji ambao umewakumba kwa muda mrefu.
more recommended stories
TAITA TAVETA: CAN THE DCI CRACK THE NUT? DORCAS MLGHU’S PUBLIC OUTBURST PUTS COUNTY EXECUTIVE UNDER FRESH PRESSUREThe growing controversy surrounding the.
NDARA B LAND DISPUTE: 63 RESIDENTS SERVED WITH THREE-MONTH EVICTION NOTICE FOLLOWING COURT RULINGAffected families in Mlambenyi, Golani and.
TAITA TAVETA: WILL DEBORAH WAKESHO SUCCEED THE LATE MARGARET KAWUKI, OR WILL POLITICAL CARTELS INTERFERE?Questions emerge over Jubilee Party’s.
CHRISTOPHER MWAMBINGU: EACC INVESTIGATES ALLEGED FORGED DEGREE USED TO SECURE DIRECTOR OF ADMINISTRATION POSITIONA third case raises further.
MWATATE MP RACE: RICHARD LUKINDO’S AMBITIONS AND THE UNANSWERED DEGREE QUESTIONThe political stakes surrounding former.
TAITA TAVETA: PRISONS OFFICER, NINE OTHERS ARRESTED IN MOTORCYCLE THEFT SYNDICATE PROBESerious questions emerge over alleged security.
ALLEGATIONS OF HARASSMENT RETURN ALONG VOI-CALTEX ROAD CORRIDORResidents, motorists, and public transport operators.
CHURU CHURU PROJECTS HAZIJENGI TAIFAKuna tofauti kubwa kati ya.
BWIRE: ACCESS TO POWER IS NOT A POLITICAL MANDATEHon. John Bwire’s declaration that.
RESIDENTS RAISE CONCERNS OVER ALLEGED MOTORIST HARASSMENT ALONG VOI-MOMBASA ROADResidents and motorists in Voi.
THE TAITA TAVETA COUNTY ASSEMBLY’S VETTING PROCESS MUST UPHOLD THE CONSTITUTION AND PUBLIC TRUSTWe, the concerned citizens of Taita.
THE STRUCTURED POVERTY IN TAITA TAVETAResidents demand answers after thousands.
Taita Taveta Workers Demand Immediate Payment of Salaries and AllowancesFrustration is mounting among employees in.
Nepotism Concerns Intensify as Family Links Dominate Senior Appointments in Taita Taveta CountyCalls for transparency and fairness in.
UNGA, POLITICS AND 2027: PS MWAMODO’S JORA VISIT SPARKS DEBATEA food distribution exercise led by.
Taita Taveta Residents Increasingly Question Leaders’ Priorities Amid Unresolved ChallengesWhat was billed as a development.

Leave a Comment