Niloli damenyero dikamenyeka na kurulwa nguwo dikabaki mtughuta imbiri ya izungu ibaa kwa wundu gholemwa nikulola chia rejizoghora kutumia mali ya magho na wuzuri ghwahenga ghuko isangenyi.
Iji ni ilagho yidifae sa warasimilwa wa isanga ja dawida, saghalla na tuweta dijiririkabye na kujilolia itumbulio jiditesia kuzoya itakoni/itanaha dikisoghoda ngelo richagha.
Yakundikane diwadane na kukaia kindo chimweri na wadumiki wedu andu kose kufuma sangenyi na chakusea kwa weni Mghosi Madongo.
Hata ngera magho gheko kwa wulongozi ghwa kitiri kibaa cha muisanga, weke mafunda wedu waje diwinekie nguma yedipoisira malagho nicha aje aighu mzi ghwa wundanyi, widima kufindika chia rose rawatumilwa ni wandu wazima kuchuma magome na magho ghedu na kudisigha sa wana wa nyonyi, mae ukabonywa mbogha ni weke Mwaisoka aje paranga. Yawifwana wikaiye kidombo andu kumweri, wikaiye na mawono ghiwadana na kwa wunicha kwa izanga/isanga jedu jighokie nandingi loliloli.
Na kwa waje waisanga jedu wikumbie ndighi kwakukota magho, widima kuwadana na kuwika ndighi andu kumweri, kujidederia kwa nguma yaighu isangenyi, na kukandika ikwanyiko ja wandu wekota magho. Makwanyiko sa agho ghidima kukaiya andu kose waisanga wawekota magho na ghichadimisha kuchurikia kwa ndighi yelegheria na kuzighanira magho ghedu dighikote diweni na dighiuze na kughilolia andu kouzira diweni.
Nguma ya Mghosi M-baa Mruttu kwa ngelo yake odinekieghe maghesho ghezoya mtambo ghoghioghosha kughielesha, na kughibonya ghikaiye na ighuri ja ighu na hata itakoni maghesho sa agho ndeghiwonie mwengere. Nguma yaitakonyi Ikiwadilwa ni Mdumiki M-baa Mghosi Uyelie, Samboja kuyidia kwa Mdumiki wa Kawi wa isanga jedu, Uyelie M-baa Majala naomoni wawewonyera oko na maghesho sa agho. Diasodasoda sa vichula dikiweseria ngera uchakatisha malaghiro gha wusaghui ghwawo amu yiabakia ni kuleteshwa wuki na kusighilwa ndemu.
Wandu waje nawo wawelindia ndoe relisha, yawifwana wizighane ngelo rewika vala vawo kwa mafundiko na wandu wekota magho kufuma andu kuzima, mafundiko agho ghikaiye nicha kwa muisanga na ghikaiye kwa ngelo ikaiyagha yereda manori ghipoiye.
Malagho gha aje Kishushe dawonie Mdumiki wa Wundanyi, Danson Mwashako ukiwadana na weke mafunda wa mzi ghwake ukikaiya Newton Kifuso, Mghosi M-baa Mdumiki wodidederia mzinyi na aje Merobi Jones Mwaruma, M-baa Masawi odumiloghe ni Makizende wa Isanga, Uyelie Granton Samboja na wadumiki wazima wori wikinughiria makundiko gha wabonyi vuya na wandu wa aho kwa mnekelo kuela sa wajighe wa Mbololo, kwa kutesia kuwikwa vala eri malagho agho ghefunukua chuma ghikaiye ghelongola. Kuwokia kwa mtalo ghwa matuku ghiidiye, malagho mawishi karakara na seji wewikie vala ghazoiye kuwoneka kubonywa.
Ni mashiniko mabaa waisanga wahenga wiko wahaja mbaa kukaiya na kusowekelwa kwa ndonyi putu, dikikaiya na magho ghikundikagha wurumwengunyi ghose. Wunekwa sa ughu ghwadima kudipoisira Isanga jedu jose na dikaiye nicha kuwokia itanaha na hata vivalwa vichagha. Weke mafunda aho mzi mbaha Wundanyi, mzighane seji mtesia kulindia mali iko kwa wungi Dawida, Saghalla na Tuweta. Kwa wulongozi wokoni ghwa lsanga jamzedu, zoenyi kuwika vizoya va wuya vidima kuwika matuku ghichagha ghisekaiye na mdamu isangenyi ulala mdinyi, ulemwa ni kusoghora wana wake wipate malagho gheredelo ni muela ngoya, ubwaghwa angu ngera usumbulwa ni makongo, ulemwa ni kupata machi na ghamu ghiko chiki ghighokie loliloli. Kwa kubonya huwu Isanga jedu jichafwanwa na kureda maghenyi wichagha sena na mecha.
Newangiloghe marina nighikunde nandighi ela ghizamie gha Francis Machemba (Nikeli Sibi) Mwana uilelo ni imbu.
IRUMU JA MWAMBIRWA
more recommended stories
THE ERA OF POLITICAL EUPHORIA IN TAITA TAVETA COUNTY IS OVERThe days when political party.
TAVEVO: THE GRAND WATER SCAM DRAINING TAITA TAVETA COUNTY DRY?Before demanding more water from.
USAWA NI SAWA: A PRINCIPLE THAT MUST TRANSCEND NATIONAL AND COUNTY POLITICSPicture a grand tapestry, woven with.
KAUNTI YA TAITA TAVETA ITAKWISHA KAMA HUU UONGOZI UTAENDELEA BAADA YA UCHAGUZI WA 2027Taita Taveta imebarikiwa kwa utajiri wa.
THE CROSSROADS OF TAITA-TAVETA: CHOOSING THE NEXT PATHFor decades, the conversation surrounding leadership.
KSh600 FOR A WHOLE DAY: HOW TAITA TAVETA’S “BODA BODA CROWD” MAY HAVE TURNED RUTO’S TOUR INTO A POLITICAL PHOTO SHOOTThere is a rather amusing —.
2027 BEGINS EARLY: THE MWANGOLO-BWIRE RIVALRY EXPOSES A GENERATIONAL DIVIDEThe political war between Principal Secretary.
THE ODM-UDA COALITION: A MARRIAGE OF CONVENIENCE, NOT CONVICTIONWhen the Orange Democratic Movement and.
LEGAL OPINION EXPOSES IRREGULAR COUNTY APPOINTMENT: QUESTIONS MOUNT FOR GOVERNOR WAKUJAA’S ADMINISTRATIONFresh questions are emerging over governance.
GOVERNORS NEED STRONG ASSEMBLIES, NOT CHEERLEADERSMy elder sister, Hon. Dorcas.
BEI YA MAFUTA, UBORA WA BARABARA NA GHARAMA HALISI YA KUENDESHA UCHUMI WA TAITA TAVETAMAONI Malalamiko ya wananchi kuhusu.
THE ART OF POLITICAL PARASITISMThere comes a point when.
Professional Analysis of the Taita Taveta FY 2025/2026 Supplementary II BudgetExecutive Summary The County Government of.
WHY MOMBASA DESERVES MZIMA WATER OVER COSTLY DESALINATION EXPERIMENTSAs Mombasa continues to grapple with.
UNDERSTANDING THE REALITY: WHY SALARY DELAYS ARE NOT GOVERNOR WAKUJAA’S FAILUREThere has been a lot of.
LET’S SET THE RECORD STRAIGHT ON TAITA TAVETA SALARIES & GOVERNOR WAKUJAAThere has been a wave of.

Leave a Comment