Taveta Sokoni
Wafanyi biashara wengi wa Taveta wamepinga vikali uchaguzi uliofanyika leo, wakidai kuwa haukuwa halali na haukuwapa nafasi ya kushiriki kikamilifu.
Kwa mujibu wa wafanyi biashara hao, walipigiwa firimbi ya kuitwa kwenye uchaguzi jana bila kupewa muda wa kutosha kujiandaa. Wanasema hatua hii ililenga kuwapitisha viongozi waliopendekezwa na Ofisi ya Trade ya Kanjo badala ya wale wanaochaguliwa na wafanyi biashara wenyewe.
Malalamiko makubwa yanaelekezwa kwa maafisa wa Trade waliotajwa kama Moka na Aquilina, ambao wanadaiwa kuongoza mchakato huo kwa njia isiyo ya haki. Wafanyi biashara wanasema walinyimwa nafasi ya kuchagua viongozi wao, hususan nafasi ya mwenyekiti, ambapo walitaka kuchagua wao lakini badala yake majina yalipendekezwa moja kwa moja na maafisa wa Kanjo.
Hali hii imezua maswali miongoni mwa wafanyi biashara:
Wafanyi biashara wanasisitiza kuwa soko ni mali ya wote, na si wachache au kundi fulani kama mama mboga pekee. Wanataka haki ya kushiriki kikamilifu katika uchaguzi wa viongozi wao.
Aidha, wameonya kuwa hawatakubali matokeo ya uchaguzi huo na wameitaka serikali ya kaunti kurudia mchakato huo kwa njia ya haki na uwazi. Vinginevyo, wameashiria kuwa wako tayari kuchukua hatua zaidi, ikiwemo maandamano.
“Soko ni la wafanyi biashara wote, sio wachache. Viongozi wawekwe na wafanyi biashara, sio kwa mifuko,” walisema kwa pamoja.
By Kwaela News Network (KNN) | Governance & Accountability The seven-day ultimatum issued to…
The days when political party waves and symbolism single-handedly determined election outcomes in Taita-Taveta…
The growing controversy surrounding the financial management of Taita Taveta County has taken another…
Perhaps one of the most ironic moments of Governor Andrew Mwadime's appearance before the…
Affected families in Mlambenyi, Golani and Mto Mwagodi face a February 2027 deadline as the…
During a Senate Public Finance Committee meeting, Taita Taveta Governor Andrew Mwadime, popularly known as…
Leave a Comment