Aliyekuwa Gavana wa Kaunti yaTaita Taveta Bw John Mruttu
Sisi tulio orodheshwa hapo chini tunatoa taarifa ifuatayo ili kushindikiza msimamo wa viongozi wa dini kuhusu mzozo wa bajeti katika Kaunti ya Taita Taveta.
Kama mjuavyo Kaunti ya Taita Taveta imekumbwa na mzozo kati ya Executive na County Assembly kutokana na kutoelewana kuhusu bajeti ya matumizi ya fedha za serikali kwa kipindi cha mwaka 2019/2020. Ili kuwezesha shughuli za serikali kuendelea ipaswavyo, pande zote mbili zilikubaliana kupitisha vote-on-account ambayo inaruhusu matumizi ya asilimia hamsini (50%} ya fedha kwa kulipa mishahara ya wafanya kazi na gharama nyingine isipokuwa miradi ya maendeleo.
Kutokana na msukosuko huo, Gavana wa Kaunti alitangaza nia yake ya kutaka serikali ya kaunti ivunjwe na akaanzisha zoezi la kukusanya sahihi kutoka kwa wananchi wa Kaunti ili kutimiza malengo hayo. Gavana ametangaza kwamba mpaka hivi sasa amekusanya sahihi takribani elfu hamsini na mbili.
Viongozi wa kidini na vile vile viongozi wengine katika kaunti hii wamekuwa mara kwa mara wakisihi Gavana na bunge la kaunti kufanya mazungumzo ili kujaribu kutatua mzozo huo. Mnamo tarehe 26/08/2019 viongozi hao wa dini walitoa taarifa wakisisitiza haja na umuhimu wa mazungumzo kama njia ya kutatua mzozo huo.
Sisi kama washika dau katika maswala ya kaunti hii ya Taita Taveta tunaunga mkono haki ya kikatiba ya viongozi wa dini, au kundi lingine lolote au watu binafsi kuwa na maoni yao na vile vile haki ya kutamka hayo maoni. Letu si kutoa hukumu kwamba ni pande gani iko sawa na ni ipi ina makosa bali kusisitiza kwamba hapa nchini Kenya kuna uhuru wa kuzungumzia jambo lolote kulingana na katiba.
Pia tunapinga vikali shutuma na lawama zote zinazo elekezwa kwa viongozi wa dini kama ambao hawana haki ya kutoa maoni yao. Tungependa ikumbukwe kwamba hata Taifa letu la Kenya limefaidi pakubwa kutokana na maoni ya viongozi wa kidini wakati kumekuwa na machafuko. Msimamo wetu ni kwamba viongozi wa dini na hata viongozi wengine katika jamii wanastahili heshima. Kwa hivyo tunashindikiza Gavana na Bunge la Kaunti wasikie mwito huo wa viongozi wote na waanze mazungumzo kabla kuchukuwa hatua hiyo ya kuvunja serikali ya Kaunti hii ya Taita Taveta.
Mhe John Mtuta Mruttu
Mhe Dan Mwazo
Mhe Thomas Mwadeghu
Mhe Callistus Mwatela
Mhe Joyce Lay
Mhe Khamis Chome Abdi
By Kwaela News Network (KNN) | Governance & Accountability The seven-day ultimatum issued to…
The days when political party waves and symbolism single-handedly determined election outcomes in Taita-Taveta…
The growing controversy surrounding the financial management of Taita Taveta County has taken another…
Perhaps one of the most ironic moments of Governor Andrew Mwadime's appearance before the…
Affected families in Mlambenyi, Golani and Mto Mwagodi face a February 2027 deadline as the…
During a Senate Public Finance Committee meeting, Taita Taveta Governor Andrew Mwadime, popularly known as…
View Comments
Naunga mkono kwamba viongozi wadini waheshimiwe .maana wanayo haki kutoa maoni yao