Mwasange - Mrughua
Siko dasikira kedi oko mndu kirema uombochuagha wasawi na kudumusa weke pepo. Ikabonyeria udacha Mrughua na Mghange Dawida ueleshe isanga. Wandu wikakaiya na kum’weseria na kupanga seji uchabonya chaghu chake.
Awaje wekoo wikijimanya waloghaa wikakaiya na kungilwa ni msukosuko na mgheloghelo hata wamu wikafunga charo mpaka kirema angaa wimeriane nao anyao wisekechafushika waya wandunyi.
Awaje wisenee viselesele (pesa) vewidimisha kudamba wikakaia wasurumika kiwiwi. Angu hata wikedaja vindo visewiwhwadaa, wikafusika sa mikoroka ya koshi iwadiro ni saka. Chienyi wazighana wandu ng’arung’aru sa mizozo. Wamu hata wikakaiya sa rewibembeluka, wikawoka kuja malagho wieka chienyi.
Ikabonyeria kila muzi ghushane shilingi ighana ilazi niko wimarilo ni Maji Marefu wielesho. Na kamati rikasaghulwa ni waisanga, kila kijiji, resimamia agho malagho. Kumanya ni nani ushanire na uja useshanire na maji marefu ukabusa chaghu chiende nicha.
Maji marefu ondavika Mrughua ukawokia kazi yake msasadu, kolughu kavui na msidunyi.
Wikakodisha nyumba kwa weni Ngima, chifu wa Mrughua wa kala, kavui na Aigoti, diwani wa Bura wa kala, na wikawoka kumara na mizi wikioghosha awaje wakulwa na shekele ra wisawi na kuwizera wisewurie sena.
Waisanga wikawona sa mkiri woombochua isanga wabusa. Wana wa skuli wikakaiya wikilaghaya skuli eri wiendewona seji wisawi rifunywagha. Yezerwagha awaje wekoo wajimanya waloghaa wikawoka kuenda kwa Maji Marefu kio ghadi eri wielesho kituri wandu wisemanye. Aho niko Maji Marefu oboisagha mafungu ghilangale na kuredelwa nguku ra chokwa, ra chili na hata ra teriteri na hata ra rangibzima zima, kila kio na dime. Ituku wiseendiefunya shekele, wajamaa wake wedohoresha vijunyi shighadi wikibara wishesha ra maindi gha nguku mbwaeri.
Mwamae wapo Shaki Mwaghadi okoo wajifunya kunughana na wandu wa maji marefu, ukawitesiagha kuduka shekele na kurienja aje wekoo wikilala. Shaki ukasikirana na awo wandu nicha hata ukadumwa kirema meri ikenda ukaende fundwa na kunekwa ngasu yesungusa vishere.
Siko yabonyeria wavika kwa wawa aja Ramunyi, kizigha nakosi. Wandu wiseng’ane wikakusera na iseghe wichewona malagho na meso ghawo ghenu, wiaekechaghorelwa tee ni mndungi. Angu wawa na mrio wideka wimukie mukie isangenyi, idebonyeria lazima wideka wikulo na shekele relogha. Saki wawa okoghe wawusa Jesu sa mkiri wa maisha ghake, ela wandu wideghesha Jesu ni owisa ngasu. Shighadi ya wawa ikachua wandu zii sa safu, wamu hata jingi wisevikie saki weanana mwano ghwa mbuwa.
SHOMA: Mka Mwaeghwa wanonia Mka Mwamburi wa Kombo mwandu ghwake
Weni maji marefu wikazera wandu wisekusaghike vighemunyi wala kuwhwadia nganda ra nyuma na wikangia cha nyumbenyi kwa wawa. Diko shighadi wandu wanung’una na wamu wadeda kisha.
Mghongo ghwapo nikasikira mwai umu ukihohoria mmbao. ”Aha, by order, lazima shekele rifunyo”.
Nikaghalusa chongo mbwaeri niwone ni nani uo uraratuagha kisha huwo. Nikamlasa na iriso jakibala na ukafwa whwaya angu uichi aho ni kwa wawa uvae mao tiki. Nikamshinikia angu udeka ni mkichuku odu wa kavui udediagha wawa kirambaramba huwo.
Weke Maji Marefu wikawighawigha nyumbenyi kwa wawa na hewo wikafuma vala viduu. Wandu wikawoka kuwikogia nikii wachiwona. Wikaghora ndewiwonie wisawi ringi. Na wikawhwada ghawo wikaruwuka noko cha kwa weni Shuma wa Mwakina.
Wandu wikasasarika na wikawhwada ghawo. Wikaenda wikinung’una kedi ngera wawa udehonga maji marefu usemtukire na wisawi. Wamu nawo wikaghora ngera oenja wisawi kwa mwai wake, mao wei, noko isi cha Mnamu, eri usekulo naro.
Kuruwuka noko mbai wikaenda wikifunya shekele kai/mighambenyi ya wakeku na kuoghosha waka na womi awaja wakulwa na wisawi.
Ideka mndu uja wakulwa na wusawi waoghoshwa wushu na masavio na machi gharanganywa na wighanga na wakabwa msalaba ghwa chongo. Yani iridia jake jakabwa mchenjeria ghwa msalaba na makasi. Ideka ni whwaya m’baa kwa awaje wekuloo na shekele na virimba nyumbenyi.
Aja ikanisa ja Katoliki ja All Saints Catholic Church ja Mrughua, Fwaza Linus Japan, nuo okeghe Fwaza wa Mrughua na Mghange. Udechilia wakirisitu wake wei wirede wisawi ikanisenyi mpaka wuchulu ghwake ghuchurikie.
Waghosi wa ikanisa wikawoka sheshe kedi awaja wandu wioghoshero ni Maji Marefu witengo. Wisetime kufwasha ikanisenyi angu kaung’a rawirighiria kila andu.
Siko ituku jimu Fwaza Japan ukilombia ndima (sacrament), ukawoka kuraria wei msawi ukasomekwa iyo ndima imghaluke. Ileghe isemilike angu hata ikamilika iende ibonye mbanga wula. Ijo ituki udewuya na ndima rake kwa altare. Ukaenda ukarikuchakucha na ukarikumba momu rose putu na ukarisoria na idumbu ilazi ja divai. Wandu widegoma kuenda pokia ndima.
Wendafuma jumonyi wikagala wikimuanyira, nikasikira mukomu ukighora, ‘‘ hata saki ini siloghaa, ela sidimaa kuenda pokia ndima yaanyirwa laghelaghe wuja. Uhu Fwaza oka sa udalogha.”
Ikabonyeria awaja wandu wose wifunyiro wisawi na wikaoghoshwa ni Maji Marefu witengo aja Jumonyi. Wiserumirilo kabisa wiletesho ndima ni fwaza mpaka wiungame na wilombe waisanga wughoma. Wekoghe wandu walazi, hata waghosi wamu wa ikanisa, wefunyiroghe wisawi na wikaoghoshwa na kukabwa mschenjeria ghwa chongo. Ni angu nisekunde kufunywa mwandu ghungi ela kumangu nitawitaja marina ghawo anyaa.
Maji Marefu udeka wafunya wandu wamu wurafu kiloliya. Hata wandu wekoo wikicha jumonyi warwa nguwo rielie chwee na rikaghorolwa nicha na pasi na hata wamu wizitagha idango ja singo, widekulwa na shekele relogha nyumbenyi. Wamu wideka na mbisi hata na shimba werutumiagha kudamba, kio ghadi, kufuma dawida mpaka kirema wiendelola virimba vawo.
Wamu wendafunywa vilambo wikaranganyikilwa putu hata wula wekoo naro rikaolola ghafla na wikawoka kufusika sa boi ujie nguru.
SHOMA: SHEMBE YA MWANGANGA
Siko maji marefu wavika kijiji cha Mnamu (mkororo), kedu tiki. Wikapata kigharo aja kwa mghosi Shuma wa Mwasi na wikasea na shekele rawo na wisawi rose ra Mrughua ghwa lughu (Mlughi). Wikawoka kungia nyumba kwa nyumba wikifunya wisawi na kudumusa weke pepo. Awaja wandu wewhwadieghe Jesu sa mkiri wa maisha ghawo widelegha malagho gha Maji Marefu putu, hata wikalegha toe ndewishanaa ighana jechaombocholwa. Iji weni Maji Marefi wavika mzi ghwa mndu useshanie ighana, wasaghalanya wighanga na waifuria cha nyumbenyi wiko mbenge ya ugho mzi. Kedi kela wiko na mazwagha ghangi ghelogha, wisawi rawo riwighaluke.
Aja Mrughua, wa Mlughi wengi ni wa Katoliki na kusea cha Mnamu wengi ni wandu wa CPK (dejiwangaa ikanisa ja Zaphania) na Pentecostal Church (Ikanisa ja Mwamburi wa Kilao).
Miaka raida risepunguagha mirongo iwi bado ndediwonie mndungi waghalukwa ni wisawi.
Endavika niituku ja Maji Marefu kucha kedu, wandu wekuka na kirimba, wikachazighana ngera ija wisawi wegheshagha wawa oko nayo ichakulwa kwa mao. Saki kedu wandu ndewivikaa kisha angu kuko kula na chia mbaa, ijo itiku wandu widechua zii shighadi sa choki. Mpaka wamu waendajoka minjwa ya videnya na mawora wikilola andu komanga kimusi wiwone afro cinema nicha.
Maji Marefu wikacha kedu wikangia nyumbenyi, wikawighawigha na wikafuma vala viduu. Wandu wesighwa wikishinika shighadi sa Janeti. Wikawhwada ghawo wikaenda wikinusa wisawi noko mbai.
Wendameria ‘kuelesha‘ mrughua wikaida cha Mghande Dawida. Aja wideka wikiweserelwa seji wakirisitu wiweseriagha kucha kwa Jesu masiya.
SHOMA: WASAWI WA MRUGHUA
Wikangia mizi kwa mizi ya wa mghange wikifunya shekele na maza zima wikangira wandu viture na maza rose ikawikwa andwameri na wikaghala cha Kirema mzawo.
Wa mghange wikalalamika kedi iro maza rawewiima dilo. Ikabonyeria Fwaza Japan uwange Askofu wa diocese ya Mwambasa, Askofu John Njenga, uchekumba iro shekele modo.
Ituku Askofu ochee, wa kirisitu wose wa Mrughua na wa Mghange Dawida wikaenda kwana Mghange. Misa ikabonywa mbaa na shekele rose rendatarisirwa machi gha baraka, rikakumbwa modo!
Kuvikia idime iji malagho gha Maji Marefu ghikaliwika putu na ndeechemanyika sena kela loli wasawi wechesia angu wecheshama wisawi zima. Mndungi kuvikia idime ndouichi kela loli wideka wikifunya wisawi angu wideka wikisarighia waisanga.
Mzenyu Maji Marefu ovikieghe?
By Kwaela News Network (KNN) | Governance & Accountability The seven-day ultimatum issued to…
The days when political party waves and symbolism single-handedly determined election outcomes in Taita-Taveta…
The growing controversy surrounding the financial management of Taita Taveta County has taken another…
Perhaps one of the most ironic moments of Governor Andrew Mwadime's appearance before the…
Affected families in Mlambenyi, Golani and Mto Mwagodi face a February 2027 deadline as the…
During a Senate Public Finance Committee meeting, Taita Taveta Governor Andrew Mwadime, popularly known as…
View Comments
Kidawida tiki. Nakufunyira kofia mwabraza..soghoda wuruwo
Nidesikira uhu aboo ondakunda kuenda mwanda udefurilwa ni wa mwanda na shekele rake rikarima
Kidawida cha ndenyi loli
Chawucha... 🙏🏾
Mka Mwaeghwa wanonia Mka Mwamburi wa Kombo mwandu ghwake
SHOMA: https://kwaela.co.ke/mka-mwaeghwa-wanonia-mka-mwamburi-wa-kombo-mwandu-ghwake/
Ovikieghe lushangonyi wandu wikafungilwa ndima no fwaza the late danston lumadede
Kidawida chikurie kweli
Wadeku nawekumbuka iyo gonda sa idime na iguo......
Namanya wasawi wachesia kwa windy ghwa elimu
Mrughua na Mghange wakkristu widefungilwa ndima meri irandadu.RIP Askofu John Njenga
Chawucha aboo! Ela cha Kilera ndo kutanyire. Majimarefu ore shamie kibalo chake agho.
Kedu wideida wikiranduka cha mwavunyu
Ini siobuyagha mburi maghu,wasawi wihee wiwade Jesu angu witote na vichuku vawo vose.
Maadui wa maendeleo.
Mzedu mwatate ocheghe,na uvika soko ya kala,ukaenda kwa msawi m'baha"mka panga,"aje niko chofi ya m'bangara edo uzwa kwa fujo kuchumba kwa "me mamiro uja wa ivongonyi aje mwisho ghwa lami,kwa mama best aje manganga,kwa Java aje mruru,kwa sumu aje chawia-mwangoji angu aje sechu kwa mtui."
Ta aje kwa mka panga ukafunya kiwoko cha mdamu kwa mwarero wa chonyi na niko dikaelelwa kwakii aje niko m'bangara ghuuzwa kuchumba kose na hata AP wisefwashaa.
Uvika mwatate town,ukafilisisha"mpaji ni Mungu,"mbonyi biashara mashuhuri kedi irija trela rape redeka imu ni chovu,imu ni mbogho na imu ni mbela.undarimichira maghanga,trela resera msangagha Mombasa na jingi mpaka walinu ndedicheriwona mwatate sena.
Uvikagha peleleza,ukafunya vishere kwa"mka kilelu,"na uwika mghongo,mka kilelu ukawuria wusawi ghwape,ikeku ja wandu jikafwa nko,na ukanughwa ni mdawana wape "saidi kilelu,na mwachanje wamzawo uja odebonya kazi na William ruto"icho kinyumba chikafungwa.
Ela aje soko ya kala ofunyire shekele kwa me warugha na ikeku jawandu jikaoma nao jikamimisika sa luki lwa luseneka ela angu omoni usewurie wusawi sena,waduagha moyo mpaka idime ela wadia mfu sa igogo ja porozi jidungilo ni mungo.
Emma Sam ndokuubuyagha kufunywa mwandu.
Kwataja wandj wawandu bufu bufu king'ambwa?
Huwo mwamanyire mazee jamaa walumie igunia,ola malagho na chongo,shinika na isanga na malagho ghake,jamaa odeka jirani wapo aha kireti mairobi fedha,sasa neduoshinika nikiwona vilongozi wabaa wa serikali wikicha sena na maghu bububu na kofia wiangira mpaka vikunya,na mndu wadakusungiaa sa sawau🐒 puuh dhaa kola idhana waendaa hao na mndu wawo wasaghie