Tetesi kuwa Gavana wa Taita Taveta Granton Samboja amekitema chama cha Wiper ambacho kilimdhamini katika uchaguzi wa 2017, zimeleta hali ya utata na kuzua tumbo joto kwenye ulingo wa kisiasa katika kaunti hiyo.
Kuhama chama
Hali hiyo imesababisha wanasiasa na wakereketwa wa kaunti hiyo kuanza mikakati ya kujipanga upya kimirengo ya kisiasa. Wanaounga mkono Gavana huyo kujiunga na ODM, wanadai kuwa alikuwepo ndani ya chama hicho kilipozinduliwa, na kuwa yeye ni baadhi ya wafadhili asili wa chama hicho katika kaunti ya Taita Taveta, hivyo basi ana haki ya kuwa mwana chama.
Kwa upande mwengine, wanaopinga kujiunga kwake wanadai kuwa kutaharibu sifa ya chama cha ODM, kwa sababu chama hicho kinatambulika kwa maadili mema na kuthamini wasomi na elimu kwa jumla. Samboja – ambaye ameandamwa na shutuma za ugushi wa stakabadhi zake za elimu alizoziwasilisha kwa IEBC na ambazo zilimwezesha kugombania kiti hicho cha ugavana – ameshtakiwa na mpiga kura mmoja katika kesi ambayo bado haijakamilika.
Njia panda
Kufuatia hayo, inasemekana mwanasiasa mashuhuri aliye pia mweka hazina wa chama cha ODM katika Kaunti ndogo ya Taita amejikuta katika njia panda. Mwanasiasa huyo alikuwa mfuasi na mtetezi sugu wa serikali ya awamu ya kwanza iliyoongozwa na mhandisi John Mtuta Mruttu.

Hata hivyo, uchaguzi ulipokaribia Mwaka wa 2017, Mwanadada huyo alikihama kikosi cha Mhandisi John Mruttu na kujiunga na kikosi cha aliyekuwa mbunge wa kaunti ndogo ya Taita mheshimiwa Thomas Mwadeghu. Duru zinasema kwamba, mwanadada huyo alivuka sakafu alipoahidiwa kuwa endapo Mh. Mwadeghu angeshinda ugavana basi angeteuliwa kama MCA wa chama cha ODM katika bunge la kaunti.
Uteuzi huo wa MCA ulipomchenga mwanadada huyo, aliamua kuwa baridi na njaa ya “kukaa nje” kwa miaka tano ni hali ambayo hangeweza kustahimili. Yeye, pamoja na wakereketwa wengine, waliamua kujiunga na timu ya kumpigia Samboja debe – almaarufu “Olele Boys Band” – jambo ambalo liliwaudhi wafuasi wengi sugu wa ODM katika Taita Taveta.
Kwa muda sasa, wafuasi hao sugu wa ODM, wamekuwa wakilalamika kwamba ujio wa Samboja kwenye chama chao si baraka ila ni laana ambayo italetea chama hicho balaa na karaha. Isitoshe, haijulikani ni cheo gani au mamlaka gani ambayo Gavana Samboja amemiliki kwani amejiingiza “kwa kupitia mlango wa nyuma” kwa njia isiyo rasmi. Yeyote aliyethubutu kuonyesha kukereka kwake kwa jambo hilo alichukuliwa kuwa adui na kushambuliwa na kuharibiwa jina na ‘Olele Boys Band” kwenye mitandao na redio inayomilikiwa na Gavana huyo. Mhe Jason Tuja, ambaye ni mwakilishi wa Kaunti ya Werugha katika Baraza la Kaunti hiyo, ni mmoja wa viongozi wa ODM ambao inasemekana Samboja hakupoteza muda kumvuruga pindi tu alipojiingiza ndani ya chama hicho. Hivi majuzi, Tuja alitimuliwa kutoka kwa uongozi wa Bunge hilo la Kaunti – jambo ambalo mwanadada mweka-hazina, tuliyemwangazia hapo awali, alilishabikia kupindukia!

Inasemekana kwamba viongozi wengine wa ODM wameapa kuhakikisha kuwa chama chao hakitatekwa nyara na watapeli wa kisiasa. Wachanganuzi wa kisiasa wanahoji kuwa ni jambo la wazi kuwa chama hicho cha ODM tayari kimesha gawanyika na kitasambaratika baada ya muda usio mrefu.
Ghadhabu ya wapiga kura
Hivi majuzi, Samboja, ambaye hutoka Wadi ya Werugha, alighadhabisha wakina mama na wakazi wa Taita Taveta kwa jumla, kwa kumteua mwanamume anayetoka huko huko Werugha, kuwa Director wa maswala ya Kina Mama katika kaunti hiyo!
Juma lililopita Samboja alijitokeza akilalama kwamba hana hela ya kufanya maendeleo kwa sababu inamlazimu kutumia mgao wake wote kulipa madeni ya wanakandarasi wanaodai kaunti hiyo. Hali hii imekwamisha maendeleo mengi, hasa katika sekta za maji, afya na zenginezo – na kubakisha shughuli ya kulainisha mabarabara – pesa ambazo zinachangiwa na “Fuel levy” – kuwa maendeleo ya pekee ambayo yanayopigiwa debe kwa wakati huu. Hii ndio sababu ya kuona wawakilishi wa Gavana mashinani, wajulikanao kama Ward Administrators, huangazia “maendeleo” ya barabara kila kukicha!
Dukuduku zetu zinatuarifu kwamba “mwanadada-mwanasiasa” wetu tayari ashanukiwa kwamba ifikapo 2022 Samboja na timu yake “wataoshwa” katika uchaguzi mkuu, kupitia kwa ghadhabu ya wapiga kura. Inasemekana kwamba tayari ameanza kurudisha urafiki wake wa kisiasa “chini ya maji” na aliyekuwa gavana wa kwanza ili angalau asiachwe kwenye baridi endapo serikali ya Samboja itatimuliwa.
Chama cha Wiper
La kustaajisha ni kuwa, kwa upande mwengine, viongozi wa chama cha Wiper, kinyume na dhana ya kuwa wametatanishwa na kuhamia kwa Samboja kwa chama kingine, wengi wafurahia jambo hilo, ila wanaficha furaha yao kwa kumuogopa Gavana huyo. Hili linatokana na hofu yao kuwa utenda-kazi wa Samboja umekuwa na dosari chungu nzima, hivyo kwamba chama cha Wiper, pamoja na wagombezi wote wa chama hicho, wangeumizwa na “mzigo” wa kuhusishwa au kubeba jina la Samboja katika uchaguzi wa 2022.
Kiongozi mmoja, ambaye jina lake tumelilibana, alisikika hivi majuzi alipoulizwa juu ya maoni yake kuhusu uasi wa Samboja kwa chama cha Wiper, akajibu “sisi tunasema halleluya!”
more recommended stories
TAITA TAVETA: CAN THE DCI CRACK THE NUT? DORCAS MLGHU’S PUBLIC OUTBURST PUTS COUNTY EXECUTIVE UNDER FRESH PRESSUREThe growing controversy surrounding the.
NDARA B LAND DISPUTE: 63 RESIDENTS SERVED WITH THREE-MONTH EVICTION NOTICE FOLLOWING COURT RULINGAffected families in Mlambenyi, Golani and.
TAITA TAVETA: WILL DEBORAH WAKESHO SUCCEED THE LATE MARGARET KAWUKI, OR WILL POLITICAL CARTELS INTERFERE?Questions emerge over Jubilee Party’s.
CHRISTOPHER MWAMBINGU: EACC INVESTIGATES ALLEGED FORGED DEGREE USED TO SECURE DIRECTOR OF ADMINISTRATION POSITIONA third case raises further.
MWATATE MP RACE: RICHARD LUKINDO’S AMBITIONS AND THE UNANSWERED DEGREE QUESTIONThe political stakes surrounding former.
TAITA TAVETA: PRISONS OFFICER, NINE OTHERS ARRESTED IN MOTORCYCLE THEFT SYNDICATE PROBESerious questions emerge over alleged security.
ALLEGATIONS OF HARASSMENT RETURN ALONG VOI-CALTEX ROAD CORRIDORResidents, motorists, and public transport operators.
CHURU CHURU PROJECTS HAZIJENGI TAIFAKuna tofauti kubwa kati ya.
BWIRE: ACCESS TO POWER IS NOT A POLITICAL MANDATEHon. John Bwire’s declaration that.
RESIDENTS RAISE CONCERNS OVER ALLEGED MOTORIST HARASSMENT ALONG VOI-MOMBASA ROADResidents and motorists in Voi.
THE TAITA TAVETA COUNTY ASSEMBLY’S VETTING PROCESS MUST UPHOLD THE CONSTITUTION AND PUBLIC TRUSTWe, the concerned citizens of Taita.
THE STRUCTURED POVERTY IN TAITA TAVETAResidents demand answers after thousands.
Taita Taveta Workers Demand Immediate Payment of Salaries and AllowancesFrustration is mounting among employees in.
Nepotism Concerns Intensify as Family Links Dominate Senior Appointments in Taita Taveta CountyCalls for transparency and fairness in.
UNGA, POLITICS AND 2027: PS MWAMODO’S JORA VISIT SPARKS DEBATEA food distribution exercise led by.
Taita Taveta Residents Increasingly Question Leaders’ Priorities Amid Unresolved ChallengesWhat was billed as a development.

Waliosema siyasa Ni maslahi Kumbe hakukosea.sisemi kitu but msimamo nikitu mhimu sana.samboja tutampa Tano ingine tena