Bura, Mwatate – Taasisi ya mafunzo ya ufundi ya Mnamu Vocational Training Center (VTC) imeingia katika taharuki baada ya tukio la wizi kuripotiwa kutokea ndani ya majengo ya kituo hicho, ambapo kompyuta kadhaa zimeripotiwa kuibwa usiku wa kuamkia jana.
Kwa mujibu wa taarifa zilizothibitishwa na vyanzo vya usalama katika eneo hilo, watu kadhaa wanaoshukiwa kuhusika katika wizi huo tayari wamekamatwa, na uchunguzi unaendelea kubaini mtandao mzima wa wahusika na madhumuni ya tukio hilo.
Wakazi wa eneo la Mnamu na Mrughua wameeleza kusikitishwa na tukio hilo, wakisema kuwa chuo hicho kimekuwa tegemeo kubwa kwa vijana wanaotafuta ujuzi wa kiufundi katika jamii.
“Ni pigo kubwa kwa wanafunzi, hasa ikizingatiwa kuwa vifaa kama kompyuta ni muhimu kwa mafunzo ya kisasa,” alisema mmoja wa wazazi katika eneo hilo.
Mnamu VTC, ambayo ni miongoni mwa vituo muhimu vya mafunzo katika Kaunti ya Taita Taveta, inanuiwa kutoa mafunzo mbalimbali ya kiufundi ikiwemo:
Uongozi wa chuo hicho umelaani tukio hilo na umeahidi kushirikiana kikamilifu na polisi kuhakikisha vifaa vilivyoibiwa vinaregeshwa na usalama katika kituo hicho unaboreshwa.
Kwa sasa, polisi wanaendelea kuwahoji washukiwa waliokamatwa, huku uchunguzi ukitarajiwa kupelekea hatua kali dhidi ya wahusika. Wito umetolewa kwa jamii kutoa ushirikiano na kuwafichua watu wanaojihusisha na uhalifu ili kulinda taasisi za elimu na mali ya umma.
KNN itaendelea kufuatilia kwa undani taarifa hii na kukuletea masasisho mapya kadri uchunguzi unavyoendelea.
By Kwaela News Network (KNN) | Governance & Accountability The seven-day ultimatum issued to…
The days when political party waves and symbolism single-handedly determined election outcomes in Taita-Taveta…
The growing controversy surrounding the financial management of Taita Taveta County has taken another…
Perhaps one of the most ironic moments of Governor Andrew Mwadime's appearance before the…
Affected families in Mlambenyi, Golani and Mto Mwagodi face a February 2027 deadline as the…
During a Senate Public Finance Committee meeting, Taita Taveta Governor Andrew Mwadime, popularly known as…
Leave a Comment