Ziara ya Naibu Rais Kindiki Kaunti ya Taita Taveta Yazua Maswali Kuhusu Mipango ya “Uwezeshaji”
Naibu Rais wa Kenya, Prof. Kithure Kindiki, alizuru Kaunti ya Taita Taveta jana katika kile kilichoitwa “Mpango wa Uwezeshaji kwa Vijana na Wanawake” — mpango ambao hauna msingi wowote wa kikatiba.
Ingawa unawasilishwa kama juhudi za kuwasaidia wananchi, Wakenya wengi wanaona mpango huu kama kebehi kwa maskini, huku wakijiuliza kuhusu lengo halisi la ziara hizo na chanzo cha mamilioni ya pesa zinazogawiwa ovyo kote nchini. Je, viongozi wanalipwa zaidi ya kiasi? Au huu ni ujanja wa kisiasa wa kuficha matumizi ya fedha za umma?
Mwenyeji wa Naibu Rais alikuwa Mwakilishi wa Wanawake wa Taita Taveta, Mheshimiwa Lydia Haika, ambaye alitumia fursa hiyo kuomba hadharani Naibu Rais awapangie wazee wa Taita Taveta mkutano na Rais. Pia alimtaka aharakishe utoaji wa hati miliki za ardhi kwa wakazi wa Wundanyi na maeneo mengine ya kaunti hiyo.
Hili limeibua maswali: Je, viongozi wa serikali hawawezi kuzungumza kati yao? Ni kwa nini masuala haya hayawasilishwi kwa njia rasmi, kama kupitia Bunge? Je, Mheshimiwa Haika amewahi kuwasilisha hoja yoyote bungeni kuhusu haya masuala?
Aidha, Mwakilishi huyo wa Wanawake alisifia serikali kwa kuanzisha upya ujenzi wa barabara ya Mto Mwagodi–Mbale–Werugha–Mghange–Bura iliyokuwa imesimama kwa muda mrefu. Lakini wananchi wanajiuliza: Je, kujengewa barabara ni hisani au ni haki yao kama walipa ushuru?
Wakati wanasiasa wanazidi kutumia “uwezeshaji” kama njia ya kujitafutia umaarufu, ni wakati viongozi wa Kenya waache kuchezea hisia za wananchi kwa minajili ya siasa. Uwezeshaji wa kweli unapaswa kuletwa kwa sera, si sarakasi za kisiasa.
By Kwaela News Network (KNN) | Governance & Accountability The seven-day ultimatum issued to…
The days when political party waves and symbolism single-handedly determined election outcomes in Taita-Taveta…
The growing controversy surrounding the financial management of Taita Taveta County has taken another…
Perhaps one of the most ironic moments of Governor Andrew Mwadime's appearance before the…
Affected families in Mlambenyi, Golani and Mto Mwagodi face a February 2027 deadline as the…
During a Senate Public Finance Committee meeting, Taita Taveta Governor Andrew Mwadime, popularly known as…
Leave a Comment