Categories: Taita Taveta News

SAKATA LA KISIMA CHA MAJI – BURA RANCH

Mwatate — Taharuki imezidi kuongezeka miongoni mwa wanahisa wa Bura Ranch kufuatia maswali mazito kuhusu matumizi ya fedha za ranch na madai ya mamilioni ya pesa yanayohusishwa na Mbunge wa Mwatate, Mheshimiwa Peter Shake.

Wanahisa wa ranch hiyo, kupitia ziara yao ya hivi karibuni, waligundua kuwepo kwa kisima cha maji kinachodaiwa kuchimbwa mwaka 2014 kwa gharama ya shilingi milioni 3.8, kilichokusudiwa kuboresha shughuli za ufugaji. Hata hivyo, licha ya fedha hizo kudaiwa kulipwa, kisima hicho hakijawahi kutumika kwa zaidi ya miaka kumi, huku viongozi wa ranch wakishindwa kutoa maelezo ya kuridhisha kuhusu hali hiyo.

Beacon ilixoandikwa Peter M ndani ya Bura Ranch

Wasiwasi huo umeongezeka zaidi kufuatia madai kuwa Mbunge wa Mwatate, Mheshimiwa Peter Shake, anadai jumla ya shilingi milioni 55 kutoka kwa Bura Ranch, akidai kuwa fedha hizo zilitumika kutafuta cheti cha umiliki wa ardhi ya ranch. Wanahisa wanasema kuwa hadi sasa, hakuna risiti wala vielelezo vilivyowasilishwa kuthibitisha matumizi ya fedha hizo.

Taarifa zinaeleza kuwa tayari Mheshimiwa Shake amelipwa zaidi ya shilingi milioni 11, huku viongozi wa ranch wakipanga kumlipa shilingi milioni 46 zaidi mwaka huu, jambo lililozua maswali makubwa kuhusu uwajibikaji na uwazi wa matumizi ya fedha za wanahisa.

Katika tukio lingine lililozua mshangao, wanahisa walidai kushuhudia uwepo wa beacons ndani ya shamba hilo zilizoandikwa jina “Peter M”, hali iliyowafanya kuhofia kuwa huenda kuna njama ya kunyakua sehemu ya ardhi ya ranch.

Bajeti Bura Ranch – 2026

Akizungumza wakati wa mkutano mkuu wa wanahisa uliofanyika Januari 17, 2026, Mheshimiwa Shake alizungumza kwa hasira, akisisitiza kuwa hatasamehe hata shilingi moja ya fedha anazodai kutumia kwa manufaa ya ranch. Alidai kuwa kama si juhudi zake binafsi, ranch hiyo huenda ingeshanyakuliwa kitambo.

Bila kutaja majina, mheshimiwa huyo alidai kuwa watu kutoka familia kubwa nchini walimshawishi kwa kumpa mamilioni ya pesa ili asaliti jamii yake, lakini alikataa. Alijigamba kuwa yeye ni tajiri na hawezi kushawishiwa na pesa kusaliti watu wake, akidai kuwa i gekuwa ni watu wengine – kina Mwakuzughwa – wangeiuza ranch hiyo kwa manufaa binafsi.

Hata hivyo, wanahisa wa Bura Ranch wanasema kuwa hasira na kauli kali haziwezi kuchukua nafasi ya uwajibikaji, wakisisitiza kuwa wanahitaji ufafanuzi wa wazi, wa maandishi na wenye vielelezo kuhusu matumizi ya shilingi milioni 55 zinazodaiwa kutumika kutafuta cheti cha umiliki wa ardhi.

Kwa sasa, uchunguzi unaendelea kubaini undani wa sakata hilo, huku wanahisa wakizitaka taasisi husika za uchunguzi na ujasusi kuchukua hatua za haraka na kufichua ukweli wa madai hayo bila upendeleo.

Kwaela News Network

Leave a Comment
Share
Published by
Kwaela News Network

Recent Posts

TAITA TAVETA: SEVEN DAYS HAVE ELAPSED — HAS SENATOR KAJWANG SENT WAKUJAA’S GOVERNMENT FILES TO EACC?

  By Kwaela News Network (KNN) | Governance & Accountability The seven-day ultimatum issued to…

16 hours ago

THE ERA OF POLITICAL EUPHORIA IN TAITA TAVETA COUNTY IS OVER

  The days when political party waves and symbolism single-handedly determined election outcomes in Taita-Taveta…

1 day ago

TAITA TAVETA: CAN THE DCI CRACK THE NUT? DORCAS MLGHU’S PUBLIC OUTBURST PUTS COUNTY EXECUTIVE UNDER FRESH PRESSURE

  The growing controversy surrounding the financial management of Taita Taveta County has taken another…

2 days ago

THE GOVERNOR DISCOVERS FISCAL DISCIPLINE — FOUR YEARS TOO LATE?

  Perhaps one of the most ironic moments of Governor Andrew Mwadime's appearance before the…

3 days ago

NDARA B LAND DISPUTE: 63 RESIDENTS SERVED WITH THREE-MONTH EVICTION NOTICE FOLLOWING COURT RULING

Affected families in Mlambenyi, Golani and Mto Mwagodi face a February 2027 deadline as the…

3 days ago

THE WRONG TIME: GOVERNOR WAKUJAA’S DEFENCE

During a Senate Public Finance Committee meeting, Taita Taveta Governor Andrew Mwadime, popularly known as…

5 days ago