Eeh Mlungu nidimishe, Isanga japo nijizighana
Ishima jake jidueghe, isengilo ni funja.
Isi diwose dirasimie, disekaie na kusimana.
Wawi waguagha wishorombote, sena charonyi wadawusirana.
Eeh Kenya nakukunde, sena jingi ndedichasighana.
Rangi rako sirileghie, kughoka kwako kwadaniboia.
Kula andu kwamangie, ngao yako yadanilindia.
Hoku njala ndeivikie, makuwido na matunda.
Gachua andu kose, dadaja na kughuda.
Eeh Kenya nakukunde, sena jingi ndedichasighana.
Deko na sere, kurashana, kusholiana, dalegha.
Bagha sena yalemeree, ditesiane na kuwwadana.
Mlungu odu dimlombe, dipate kukaia banana.
Dikaie wandu waelie,disighane na kira.
Eeh Kenya nakukunde, sena jingi ndedichasighana.
Isi diweni dakundane, vilongori viaghe Isanga
Madukano na luhehe, ghadima kureda wufia.
Disakeiwa wei magome, ela dibonye mecha.
Lukundo lukaie kose, diweni dipate kuendelea.
Eeh Kenya nakukunde, sena jingi ndedichasighana.
Bendera yedu yaboie, rangi rake pacha.
Ya chilu yaboie, wandu wa Isanga.
Ya makumbo yaboie, manayaro ni isaka.
Ya chokwa yang’ale, manake ni wumboa.
Eeh Kenya nakukunde, sena jingi ndedichasighana.
Waisanga inyo mmbose, mkaie na wungara.
Mikonu chaghunyi diwadane, dizoghore iji Isanga.
Wanidu bidii dibonye, ditane na wukiwa.
Msekaie na sheshe, Isanga ni mwasighwa.
Ee Kenya nakukunde, sena jingi ndedichasighana.
Fred Mmbololo @2026
By Kwaela News Network (KNN) | Governance & Accountability The seven-day ultimatum issued to…
The days when political party waves and symbolism single-handedly determined election outcomes in Taita-Taveta…
The growing controversy surrounding the financial management of Taita Taveta County has taken another…
Perhaps one of the most ironic moments of Governor Andrew Mwadime's appearance before the…
Affected families in Mlambenyi, Golani and Mto Mwagodi face a February 2027 deadline as the…
During a Senate Public Finance Committee meeting, Taita Taveta Governor Andrew Mwadime, popularly known as…
Leave a Comment