Categories: Politics

“HOTUBA YA BWIRE YAZUA MASWALI TAITA TAVETA”

TUMUOMBEE WAKILI BWIRE

Wundanyi, Taita Taveta — Wakaazi wa Taita Taveta wameeleza kusikitishwa kwao na matamshi ya Mbunge wa Taveta, Mheshimiwa Wakili John Bwire, wakati wa tamasha la uwezeshaji wa kina mama na vijana lililofanyika katika kaunti ya Wajir.

Katika hotuba yake, Mheshimiwa Bwire alikosoa vikali mpango wa serikali ya Rais mstaafu Uhuru Kenyatta wa Linda Mama, uliolenga kutoa huduma kwa kina mama wakati wa ujauzito na baada ya kujifungua. Alidai mpango huo haukuwa na manufaa yoyote, akaufananisha na mpango wa sasa wa SHA chini ya Serikali ya Kenya Kwanza, ambao alisema unatoa huduma bora zaidi.

Mbunge huyo pia alisifu utendaji kazi wa Rais William Ruto akidai kuwa:

Bei ya mbolea imeshuka kutoka Ksh 9,500 chini ya Uhuru hadi Ksh 2,500 sasa.

Shilingi ya Kenya imara zaidi, ikishuka kutoka Ksh 170 kwa dola moja chini ya Uhuru hadi Ksh 127 sasa.

Serikali ya sasa inalipa madeni makubwa yaliyorithiwa kutoka kwa serikali iliyopita.

Kiwango cha mfumuko wa bei kimepungua kutoka asilimia 9% chini ya Uhuru hadi asilimia 4% chini ya Ruto.

Aidha, alitaja kuwa Rais Ruto amejenga nyumba nyingi kote nchini, ikiwemo maeneo ya Kaskazini Mashariki, akisema ni ushahidi wa maendeleo ya serikali ya sasa.

Reaksheni za Wananchi

Baadhi ya wakaazi wamesema hotuba ya Mbunge huyo haikuzingatia uhalisia wa changamoto zinazowakabili wananchi wa kawaida.

Wamehoji:

  • Ni vipi Mheshimiwa Bwire alihitimisha kuwa mpango wa Linda Mama haukuwa na faida kwa kina mama?
  • Kwa kuwa Rais William Ruto alikuwa Naibu wa Rais kwa miaka kumi chini ya Uhuru Kenyatta, je, hahusiki pia kwa hali iliyoachwa?

Wakaazi wengine wamesema Mbunge huyo anapaswa kutumia majukwaa ya umma kutoa hotuba za kujenga na kuelimisha badala ya matusi ya kisiasa.

Wito wa Heshima

Viongozi wa kijamii wametoa wito kwa Mheshimiwa Bwire kudumisha heshima yake kama mbunge na wakili tajika. Baadhi ya wazee wa Taita Taveta wamependekeza kufanyika kwa mkutano wa dharura wa wazee ili kumshauri na kumrejesha kwenye njia ya hekima.

Maoni ya Mtaalamu wa Siasa

Akizungumzia tukio hilo, mchambuzi wa siasa, Dkt. Reuben Mwanyota, amesema matamshi ya Mheshimiwa Bwire yanaashiria changamoto kubwa inayowakumba viongozi wapya Bungeni.

“Tatizo tunaloliona ni viongozi wapya kupoteza nafasi ya kujijenga kisiasa kwa hoja zenye mashiko. Badala ya kushughulikia changamoto za wananchi wao moja kwa moja, wanajikuta wakipoteza muda mwingi kujipendekeza kwa serikali kuu. Matokeo yake ni kupoteza heshima mbele ya wapiga kura wao wenyewe,” amesema Dkt. Mwanyota.

Ameongeza kuwa hoja za kiuchumi zinazotolewa na wanasiasa hazifai kuachwa zikabaki katika takwimu pekee bila kuelezwa kwa ufasaha namna zinavyowagusa wananchi wa kawaida.

 

Kwaela News Network

Leave a Comment

View Comments

Share
Published by
Kwaela News Network

Recent Posts

TAITA TAVETA: SEVEN DAYS HAVE ELAPSED — HAS SENATOR KAJWANG SENT WAKUJAA’S GOVERNMENT FILES TO EACC?

  By Kwaela News Network (KNN) | Governance & Accountability The seven-day ultimatum issued to…

17 hours ago

THE ERA OF POLITICAL EUPHORIA IN TAITA TAVETA COUNTY IS OVER

  The days when political party waves and symbolism single-handedly determined election outcomes in Taita-Taveta…

1 day ago

TAITA TAVETA: CAN THE DCI CRACK THE NUT? DORCAS MLGHU’S PUBLIC OUTBURST PUTS COUNTY EXECUTIVE UNDER FRESH PRESSURE

  The growing controversy surrounding the financial management of Taita Taveta County has taken another…

2 days ago

THE GOVERNOR DISCOVERS FISCAL DISCIPLINE — FOUR YEARS TOO LATE?

  Perhaps one of the most ironic moments of Governor Andrew Mwadime's appearance before the…

3 days ago

NDARA B LAND DISPUTE: 63 RESIDENTS SERVED WITH THREE-MONTH EVICTION NOTICE FOLLOWING COURT RULING

Affected families in Mlambenyi, Golani and Mto Mwagodi face a February 2027 deadline as the…

3 days ago

THE WRONG TIME: GOVERNOR WAKUJAA’S DEFENCE

During a Senate Public Finance Committee meeting, Taita Taveta Governor Andrew Mwadime, popularly known as…

5 days ago